Ынтымак айыл аймагы– Чуй облусунун, Жайыл районунда жайгашкан. Айыл өкмөттүн курамына беш айыл кирет: Полтавка, Петропавловка, Орто-Суу, Малтабар, Кызыл-Дыйкан.
Ынтымак айыл аймагы түндүк Кыргызстанда, Чүй өрөөнүндө жайгашкан. Аймактын климаты континенталдык болуп, жаз жана күз мезгилдери жумшак, жайы ысык, кышы салыштырмалуу суук өтөт. Жайында орточо температура +30°C, ал эми кышында -5°C чейин түшөт. Жылдык жаан-чачындын көлөмү орто эсеп менен 400-500 мм түзөт, жаан-чачын негизинен жаз жана күз мезгилдеринде жаайт.
Ынтымак айыл аймагында айыл чарбасы өнүккөн. Жалпы жер аянты – 34166 гектар. Анын ичинен 11966 гектары – айдоо жер.
Айыл аймагынын калкынын жалпы саны – 10476 адам.
Аймакта 5 мектеп, 2 мамлекеттик жана 1 жеке менчик бала бакча, 2 ҮДТ, 3 ФАП, 5 клуб, 5 китепкана, 4 кичи футбол талаасы бар. Айыл аймакта 2 сейил бак бар, Кызыл-Дыйкан айылында “Үркүн” паркы жана Петропавловка айылында “Жеңиштин 60 жылдыгы” паркы бар. Ошондой эле 1 музей, эс алуу зонасы Ак-Сууй капчыгайында бар, 1 ресторан, 1 кафе, 1 чач тарач, 1 вулканизация пункту, 1 май алмаштыруу пункту, 3 май куючу станция, 2 стоматология, 2 дарыкана, 12 дүкөн, 4 почта бөлүмү, 8 тигүүчү цех, жана 2 газ куюучу жай бар.
Ынтымак айыл аймагында элдик салттар жана каада-салттар терең урматталып, муундан муунга өтүп келет. Айыл тургундары ар кандай майрамдарды, салтанаттарды жана улуттук оюндарды өткөрүүдө активдүү катышат. Бул иш-чаралар айылдын коомдук турмушун активдүү жүргүзүүгө өбөлгө түзөт.
Ынтымак айыл аймагы табиятты сүйгөндөр, айыл чарба менен алектенгендер жана тынч жашоону каалагандар үчүн жагымдуу жер.
