Ак-Суу капчыгайында жаңы “Нарзан” этно-комплекс эс алуу жайы курулууда.

Ынтымак айыл өкмөтүнүн башчысы Д. Астаров аталган эс алуу жайынын курулуш иштери менен жеринде таанышып, объекттин учурдагы абалы жана аткарылып жаткан иштер боюнча маалымат алды.

Бул заманбап этно-комплекс туристтер үчүн ыңгайлуу эс алуу шарттарын түзүү менен бирге, жергиликтүү тургундар үчүн жаңы жумуш орундарын ачууга жана айыл аймагынын экономикасын өнүктүрүүгө өбөлгө түзөт.

Учурда курулуш иштери кызуу жүрүп жатат. “Нарзан” этно-комплексинин жакынкы арада ишке берилиши күтүлүүдө. Долбоор Ак-Суу капчыгайынын туристтик мүмкүнчүлүгүн арттырып, аймактагы негизги эс алуу жайларынын бирине айланат.

Ынтымак айыл өкмөтү туризмди өнүктүрүү, инвестиция тартуу жана жергиликтүү ишкерлерди колдоо багытындагы иштерди мындан ары да улантат.